Ousmane Dembele në PSG, zyrtarizimi çështje orësh

08:54 | 29 Korrik 2023
K.B

Sulmuesi i Barcelonës, Ousmane Dembele, duket se është shumë pranë kalimit te kampioni në fuqi i Francës, Paris Saint-Germain.

Siç raporton eksperti i transferimeve, Fabrizio Romano, marrëveshja është pranë finalizimit dhe PSG-ja do ta aktivizojë klauzolën e lirimit të tij në vlerë 50 milionë euro.

Marrëveshja për Dembelen mund të vij pas largimit të mundshëm të yllit Kylian Mbappe nga klubi parisien.

Fituesi i Kupës së Botës do të largohet nga PSG-ja pasi që ka refuzuar kontratën e re – aktualja i skadon pas një viti.

Saga e Mbappes dhe PSG-së ka filluar para rreth një muaji, ku ai bëri të ditur se nuk do ta vazhdoj kontratën aktuale te PSG-ja.

Klubi parisien mori vendim menjëherë ndaj Mbappes, duke i dhënë ultimatum që deri në fund të këtij muaji të nënshkruajë marrëveshjen e re, ose do të vendoset në shitje.

Francezi së fundmi mori një ofertë të majme nga Arabia, në vlerë prej 700 milionë euro, por që e refuzoi./kk

Shpërndaje në rrjete sociale

Lajmet më të lexuara

Të ngjashme

Foto lajm